پھانسی دیتے وقت مجھے کبھی کسی پر ترس نہیں آیا’ جلاد صابر مسیح

ہم دیس رپورٹ
پنجاب کے سرکاری جلاد تارا مسیح کے پوتےصابر مسیح نے اپنی ملازمت اور کام کے حوالے سے کچھ حیران کن انکشافات کیےہیں ۰جلاد صابر مسیح کا ایک انٹرویو میں کہنا ہے مجھے کسی پر ترس نہیں آتا کیونکہ وہ اپنے جرم کی سزا پاتے ہیں اور میں اپنا کام کرتا ہوں پھانسی دیتے وقت ہم کسی مجرم کے کان میں کچھ نہیں کہتے ، سوائے اسکے کہ آرام سے کھڑے رہو حرکت نہ کرو ورنہ تمہارےگلے پر زخم آجائے گا جب مجرم کو تختہ دار پر لایا جاتا ہے تو جیل سپرٹنڈنٹ مدعی فریق سے پوچھتا ہے کہ آپ کا مجرم آپ کے سامنے کھڑا ہے اگر آپ اللہ کی رضا کے لیے ، یا رقم کے بدلے اسے معاف کرنا چاہیں تو کرسکتے ہیں ، دوسرے فریق کے انکار کی صورت میں مجرم کے چہرے کوکالے کپڑے سے ڈھانپا جاتا ہے اور اسکے گلے میں رسہ ڈالا جاتا ہے ، ایک بار پھر جیل سپرٹنڈنٹ مدعی پارٹی سے دوبارہ سوال کرتا ہے کہ اگر آپ معاف کرنا چاہیں اور آپ کی کوئی شرط ہے تو بتائیں ،دوسری بار بھی مدعی انکار کردے تو پھا۔نسی کی سزا پر عمل درآمد کیاجاتا ہے ، لیکن اگر مدعی فریق معاف کردیا تو یہ عمل فوری طور پر روک دیا جاتا ہے ۔ صابر مسیح کے مطابق میرے سامنے بڑے بڑے بدمعاش اور سورماے آئے جنہوں نے ایک دو یا کئی قتل کیے ہوتے تھے ، مگر تختہ دار پر چڑھ کر اور موت کو سامنے دیکھ کر ان سے بولا بھی نہیں جاتا ۔ سزائے موت کا قیدی وہ شخص ہوتا ہےجسے اپنی موت کے وقت کا پہلے سے علم ہوتاہے کہ اسے فلاں تاریخ کو فلاں وقت پھانسی دے دی جائے گی-