اللہ دتہ مسیح ھم شرمندہ ہیں!

لعذر اللہ رکھا ایڈووکیٹ

آج کل بھٹہ مزدوروں کی جان خلاصی اور بحالی کی مہم زوروں پر ھے اور بہت سارے ادارے اینٹوں کے بھٹوں پر جکڑے نسل در نسل غلاموں کو بھٹہ مالکان کے قرض سے چھٹکارا دلانے اور انہیں بنیادی سہولیات تعلیم صحت وغیرہ دلوانے کے لیے عملی طور پر جدو جہد کر رھے ھیں جن کی کاوشوں کو میں سلام پیش کرتا ہوں اس کے ساتھ ھی کچھ فراڈی بے ایمان اور نوسر باز بھی میدان میں ھیں ویگو ڈالے پر تشریف لاتے ھیں ایک ساتھی کو بھٹہ کا منشی بناتے ھیں آن لائن گوارا صاحب کو ساری کاروائی دیکھاتے ھیں غریب بھٹہ مزدوروں کا قرض چکاتے ھیں ان کے ھاتھوں میں پلے کارڈز پکڑواکر شکریہ ادا کرواتے ھیں پھر کسی ریڑھی کے پاس کھڑا کرکے فوٹو سیشن کرتے ھیں اور بیان دلواتے ھیں کہ بھٹہ مزدوروں کا قرض چکانے کے بعد ذاتی کاروبار شروع کروادیا ھے سارا سٹیج ڈرامہ فرضی ھوتا ھے صاحب موصوف اور منشی صاحب اداشدہ قرض بیگ میں ڈالتے ھیں اور غریبوں کو محض دس ھزار دیکر ساری رقم ھڑپ کر جاتے ھیں اور غریب بھٹہ مزدور دس ھزار لیکر دوبارہ غلامی شروع کر دیتے ہیں ایسے فراڈ اور مکار لوگوں کے لیے انتباہ ھے کہ کیونکہ کسی غریب کے نام پر اپنے بچوں کے لئے آگ اکٹھی کر رھے ھیں اور آگ بھی ایسی ویسی نہیں جہنم کی آگ۔ کچھ ایسا ھی کارنامہ فیصل آباد کے ایک صاحب (مذھبی عہدہ )ویگو ڈالا والی سرکار نے اللہ دتہ مسیح کے ساتھ سر انجام دیا ھے اس لیے بحثیت مسیحی اللّٰہ دتہ مسیح ھم شرمندہ ھیں کہ کچھ لوگ خدا کے نام پر اور پھر بھٹہ مزدوروں کے نام پر کتنا مکروہ دھندہ کررھے ھیں !