صوبائی وزیر اقلیتی امور سردار رمیش سنگھ اروڑہ کی فیصل آباد آمد ‘ بشپ اندریاس رحمت کے ہمراہ کرسمس کیک کاٹا

رپورٹ : یوسف عدنان
کیتھولک چرچ میں بشپ آف فیصل آباد ڈایوسس بشپ اندریاس رحمت اور فادر خالد رشید عاصی صاحب کی دعوت پر صوبائی وزیر اقلیتی امور سردار رمیش سنگھ اروڑہ کی فیصل آباد روزری کانونٹ ایک مشنری سکول میں کرسمس کی آمد کے سلسلے ہو نے والی تقریب میں شرکت کی ۔ جس میں ریورنڈ سسٹرز و لوکل مسیحی برادری اور سکول کے بچوں نے صوبائی وزیر اقلیتی امور کا پرتپاک استقبال کیا۔ صوبائی وزیر نے بشپ آف فیصل آباد اور دیگر معززین کا فیصل آباد دعوت دینے پر شکریہ ادا کیا اور وزیر اعلیٰ پنجاب کے عوام دوست منصوبوں کے بارے آگاہی دی اور اقلیتی بچوں کی تعلیم و ترقی کے منصوبوں کا بھی ذکر کیا۔ اور مسیحی برادری کو کرسمس کی تعلیمات کو عملی زندگی میں شامل کرنے پر تلقین کی ۔ صوبائی وزیر نے لوکل انتظامیہ کو خصوصی ہدایت دی کہ فیصل آباد ڈیویژن میں کرسمس کے موقع پر چرچز اور مسیحی آبادیوں کی صفائی ستھرائی و تزیں آرایش کا بہترین انتظام کی جاءے۔ اس تقریب میں صوبائی وزیر سردار رمیش سنگھ اروڑہ کے ساتھ معروف بزنس مین سردار ہمت سنگھ اور فیصل آباد کے معروف اقلیتی رہنما کامران بھٹی بھی موجود تھے ۔