سابق صوبائی وزیر خلیل طاہر سندھو کو پنجاب حکومت میں اہم ذمہ داری ملنے کا امکان

رپورٹ: اعجاز بھٹی

مسلم ”ن“ مینارٹی ونگ پنجاب کے صدر اور سابق صوبائی وزیر خلیل طاہر سندھو کو پنجاب حکومت میں اہم ذمہ داری ملنے کا امکان ہے‘ خلیل طاہر سندھو ماضی میں بھی پنجاب حکومت میں بطور وزیر خزانہ‘ وزیر صحت اور وزیر برائے اقلیتی امور و انسانی حقوق فرائض سرانجام دے چکے ہیں‘ جبکہ گزشتہ دور حکومت میں وہ مسلم لیگ ”ن“ کے چیف وہپ بھی رہے ہیں‘ خلیل طاہر سندھو کا شمار مسلم لیگ ”ن“ کے سربراہ میاں نواز شریف کے قریبی ساتھیوں میں ہوتا ہے‘ لندن میں قیام کے دوران میاں نواز شریف خلیل طاہر سندھو کو مشاورت کے لئے لندن بلاتے رہے ہیں‘ خلیل طاہر سندھو کے چوتھی بار ممبر پنجاب اسمبلی منتحب ہونے مسیحوں کی جانب سے خوشی کا اظہا رکیا جارہا ہے اور کہا جارہا ہے کہ حسب سابق وہ مسیحی کیمونٹی کی بہتری کے لئے کام کریں گے