قومی کمشن برائے وقار نسواں کا ”ایک بیٹی ایک شجر ” کے نام سے ملک گیر مہم شروع کرنے کا اعلان

رپورٹ : انیسہ کنول
قومی کمیشن برائے وقارِ نسواں (NCSW) پاکستان کی 78 ویں یومِ آزادی پر
خواتین کو خراج تحیسن پیش کرنے کے لیے ملک گیر مہم شروع کرنے کا فیصلہ کیح گیا ہے -چیئرپرسن این سی ایس ڈبلیو اُمِّ لیلی اظہر نے کہا کہ پاکستانی خواتین نے قیامِ پاکستان کے وقت ہجرت، قربانی اور خدمت کی مثالیں قائم کیں، اور آج بھی سیاست، معیشت، تعلیم، سائنس، دفاع اور فنون میں ملک کا نام روشن کر رہی ہیں انہوں نے کہا ہے کہ NCSW نے ملک گیر مہم “ایک بیٹی، ایک شجر” کا آغاز کرنے کا فیصلہ کیا ہے ، جس میں ہر والد اپنی بیٹی کی نسبت سے ایک پودا لگائے گا۔ یہ اقدام صنفی فخر، ماحولیاتی تحفظ اور پائیدار ترقی کی علامت ہے۔
چیئرپرسن نے مطالبہ کیا کہ خواتین کی قیادت اور فیصلہ سازی میں شمولیت بڑھائی جائے تاکہ وہ ہر شعبے میں برابری کے ساتھ ملک کی ترقی میں اپنا کردار ادا کر سکیں۔
“ہماری خواتین ہماری آزادی کی اصل روح ہیں۔ آئیے عہد کریں کہ ہر لڑکی اور عورت کو تحفظ، آگے بڑھنے کے مواقع اور عزت کے ساتھ جینے کا حق حاصل ہونے کو یقینی بنانے میں ہم قردار ادا کریں گے۔