نامزد وزیر اعلی کے پی کی جانب سے مساجد کو فری بجلی دینے کا اعلان ‘ اقلیتں یکسر نظر انداز

روحیل ظفر ساہی

نامزد وزیراعلی صوبہ خیبر پختونخواہ علی امین گنڈا پور کی جانب سے صوبہ بھر کی مساجد کو مفت بجلی کی فراہمی اور مساجد کے امام کو 25000 روپے ماہانہ اعزازیہ دینے کا اعلان کیا ہے’صوبہ خیبر پختونخواہ کی تقریبا 40 ملین کے قریب کل آبادی ہے جس میں 2،4 ملین مسیحی، کچھ ہندو یا دیگر اقلیتی برادیاں بھی ہونگی۔ کے پی کے میں ہزاروں مساجد, چند چرچز، مندر اور گردوارہ بھی ہونگے۔ لیکن نامزد وزیراعلی خیبرپختنواہ علی امین گنڈاپور نے صرف مساجد کو مفت بجلی اور امام مسجد کو 25000 تنخواہ دینے کا اعلان کیا۔
اب ذرا خود سوچیے کہ ان لوگوں کا مائنڈ سیٹ کیا ہے، کیا صوبہ خیبرپختونخوا میں دیگر اقلیتی برادریاں مقیم نہیں، کیا وہاں چرچ،مندر ،گردوارہ نہیں؟صرف مذہبی کارڈ کھیلنے کیلئے نامزد وزیر اعلی نے مساجد کو سہولیات فراہم کرنے کا کہا, چرچز ،مندر یا گردوارہ کو یہ سہولت دینے کا اعلان کیوں نہیں کیا، کیا انہیں مسیحی، ہندو، سکھ وغیرہ ووٹ نہیں دیتے؟نامزد وزیر اعلی کی جانب سے مذہبی اقلیتوں کو نظر انداز کیا جانا مایوس کن امر ہے اس سے یہ نظرآتا ہے کہ ہمارے حکمرانوں کا ماینڈ سیٹ کیا ہے اور وہ اقلیتوں کے بارے میں کیا سوچتے ہیں –